طريقة تحضير بصاره مصريه بطريقة سحرية

طريقة عمل بصاره مصريه                               مقادير بصاره مصريه: 1/2 كيلو فول مدشوش 

2 بصله وسط (مقطعه علي اربعه )
1/2 حزمة بقدونس
1/2 حزمة كزبره 
1 طماطم وسط 
ملح ( حسب الرغبه) 
كمون ؛ شطه ؛ كزبره ناشفه (نص ملعقه من كل صنف )
لتزيين الوجه
3 بصلات وسط مقطعين مكعبات صغيره جدا

طريقة تحضير بصاره مصريه

١. نغسل الفول كويس جدا ثم نضعه في حله وعليه ماء يغطيه بقيراطين

٢. نضعه علي النار حتي يغلي ونكشط الريم

٣. بعد كشط الريم تماما نضع البقدونس والكزبره والطماطمايه والبصلتين ونهدي النار خالص حتي يستوي الفول (يصبح مهري )

٤. نتركه قليلا حتي يبرد ثم نضربه ف الخلاط وبعدها نرجعه الحله تاني ثم نضيف له البهارات مذوبه في قليل جدا من الماء مع نصف كمية البصل المقلي للتزيين ونضعه على النار مره اخرى حتي الغليان ثم نطفي ونغرف في أطباق التقديم نتركه يبرد قليلا ثم نضع البصل على الوجه

٥. أثناء وقت التبريد نقلي بصل التزيين ونأخذ نصفه لنضيفه الي البصاره بعد ما تضرب ف الخلاط

٦. ملحوظه :: في حال كانت البصاره سميكه نخففها بشويه ماء

٧. السمك المظبوط أخف من العسل مع مراعاة أنها ستمسك قليلا لما تبرد

٨. انا زودت تقريبا نصف كوب ماء بعد ما ضربتها في الخلاط

اقتراحات بصاره مصريه

تؤكل بارده بالخبر مع مخلل باذنجان وبصل اخضر