طريقة عمل جلاش باللحمه المفرومه                                           

مقادير جلاش باللحمه المفرومه                                                               لفه جلاش 

نص كيلو لحمه مفرومه 
2 ملعقه سمنه 
2 ملعقه زيت 
2 ثمرة بصل متوسطه 
2 ثمره فلفل اخضر او الوان حسب الرغبه 
3 ثمرة طماطم 
ملعقه صغيره من ملح- كمون- فلفل اسود-بهارات-كارى 

كوب ماء 
ملعقه اكل بقسماط ناعم 
5 ملاعق سمنه سايحه 
2 كوب شوربه اى نوع

طريقة تحضير جلاش باللحمه المفرومه

١. قطعى البصل والفلفل والطماطم قطع صغير وابدأى فتعصيج اللحمه.

٢. فحله على النار حطى البصل مع ملعقه سمنه وملعقه زيت و الفلفل الاسمر، اما يصفر حطى الفلفل الاخضر وشوحيهم سوا وحطى الطماطم واللحمه وقلبى، حطى المياه والتوابل وقلبى واما يغلى وطى النار.

٣. هاتى صينيه الجلاش وحطى ملعقه سمنه وملعقه زيت اللى فاضلين وسخنيهم على النار، رشى عليها البقسماط وده عشان الجلاش مش يلزق.

٤. حطى 3 ورقات جلاش واتني زوايد الورق داخل الصينيه، حطى بمعلقه اكل شوربه ومشيها على الورق او الطبقه، حطى تانى 3 ورقات واتنى لجوه، حطى بملعقه اكل سمنه وحركى الصينيه عشان تشرب الورقه كلها.

٥. كررى العمليه لحد ما توصلى لنص لفه الجلاش حطى اللحمه المفرومه، وابداى كملى 3 ورقات وحطى سمنه و3 ورقات وحطى شوربه.

٦. قطعى الجلاش قبل دخوله الفرن.

٧. سخنى الفرن قبل ما تبدأى فعمل الصينيه، حطى الصينيه على صاج الفرج 10 دقايق او لحد ما تحمر الجوانب.

٨. طلعيه على الشبكه لحد ما الوجه يحمر وبالف هنا.